鳳城酒家

營業中

休息中

是日同家人嚟咗呢間茶樓飲下茶，一坐低就叫點心，點心有好多傳統嘢包括灌湯餃，真係灌湯餃因為係成隻餃咁唔係啲湯浸住隻餃果隻，拎一隻上碗然後篤穿佢就會有湯汁從餃子入面流出嚟，幾好食，入面隻蝦好大隻。蝦餃皮薄饀多，蝦大隻爆汁幾爽脆。牛肉又係唔錯幾好食，另外燒賣大大粒肉質好爽脆唔錯。豬爽肚出面食唔到啦呢度竟然有得食仲整得好好食彈牙嘅，唔食就走寶。腸粉又滑又好味，叫咗鮮蝦腸同牛肉腸，豉油有啲麻油味一食就知有調過唔係行貨。每樣都一樣出色，大多數都係手工嘢出面大多數酒樓都冇得食只有呢度有，有時間再嚟。