8鍋臭臭鍋 (謝斐道) (已結業)

自從幾年前公幹係台北西門町食過 台式臭豆腐鍋.....真心臭但真心好掛住既個感覺～ 勁好味....但之後啲團友頂唔順咁臭無得再去食。今日終於比我食翻當年西門町既感覺，心裡有點激動。 約左係附近做facial~得一個人梗係搵自己中意食既野！ 搵到呢間台式鍋， 又係一人鍋， 所以入去試下。 入場未係最旺時間 ， 環境幾好， 有卡位坐～ 餐牌既選擇比我想像多，有好幾個湯底都幾吸引，但我只鍾情臭豆腐喎。 所以叫左 「招牌臭臭鍋」 。另外個鍋無「紅」 ，所以另外叫左碟「麻辣鴨紅　」 。個鍋黎到時 好香，附送有個爐熱住食。 啲料都好地道是 台式臭鍋料～ 米糕好食夠彈口， 湯底夠濃， 重點個臭豆腐連湯底....我第一啖就食到 當年既 味道～ 好激動丫另外值得提是 飲品： 款式好多款。好多都想試下～ 奈何得一個胃。我揀左芒果沙冰。 整體值得再去既 一人鍋。 真心好食～ 又正宗～ 好食