影片
更多
2024-02-29
946 瀏覽
放工後，同朋友相約在太古城辦事，路過幸福鳥，便打算一試。七點左右，我同朋友二人入座叫左一個原價$1088的二人餐，download一個apps套餐 減$400，餐廳另收取二人$40蚊茶芥。套餐含一個沙律、一碟刺身、兩份前菜、兩碗主食、五串串燒、兩個鍋物及兩個甜品。結果我同朋友由7點一路等到9點30餐廳準備收舖都未等齊上菜。平心而論，前面的沙律、刺身和前菜都不過不失，尚算可以。但刺身過後，坐在吧台當眼處的我們，竟約30多分鐘都未見再上菜。期間我們多次向服務員禮貌詢問上菜進度，第一次詢問一位女侍應時，女侍應竟未聽畢，就留下一句「慢慢上緊」便揚長而去。再等，我們第二次詢問一位年輕男侍應並要求斟水，男侍應只點頭便沒有再跟進。第三次，再詢問一位較年長的男侍應，終於在其後數分鐘內一次過出了兩個鍋物和五串串燒。而我和朋友早已等得呵欠連連，其間更是一滴水都無。但姍姍來遲的鍋物和串燒味道和質素令人更加失望。野菜鍋的湯底只有濃濃味精和鹹味；而串燒中的雞翼更有一半是燒焦至苦澀，第二串疑似叉燒的串燒，一擺入口，醬料極鹹，而且頭兩舊依然都係燒焦，甚至因咬不到，吐出來才發現有黑色的焦炭，第三串白豬肉，口感如煲過湯
七點左右，我同朋友二人入座叫左一個原價$1088的二人餐，download一個apps套餐 減$400，餐廳另收取二人$40蚊茶芥。套餐含一個沙律、一碟刺身、兩份前菜、兩碗主食、五串串燒、兩個鍋物及兩個甜品。結果我同朋友由7點一路等到9點30餐廳準備收舖都未等齊上菜。
平心而論，前面的沙律、刺身和前菜都不過不失，尚算可以。但刺身過後，坐在吧台當眼處的我們，竟約30多分鐘都未見再上菜。期間我們多次向服務員禮貌詢問上菜進度，第一次詢問一位女侍應時，女侍應竟未聽畢，就留下一句「慢慢上緊」便揚長而去。再等，我們第二次詢問一位年輕男侍應並要求斟水，男侍應只點頭便沒有再跟進。第三次，再詢問一位較年長的男侍應，終於在其後數分鐘內一次過出了兩個鍋物和五串串燒。而我和朋友早已等得呵欠連連，其間更是一滴水都無。但姍姍來遲的鍋物和串燒味道和質素令人更加失望。野菜鍋的湯底只有濃濃味精和鹹味；而串燒中的雞翼更有一半是燒焦至苦澀，第二串疑似叉燒的串燒，一擺入口，醬料極鹹，而且頭兩舊依然都係燒焦，甚至因咬不到，吐出來才發現有黑色的焦炭，第三串白豬肉，口感如煲過湯的豬肉般韌而無味，只有一層油膩包裹，而非油香。招牌的串燒質素尚且如此，其他食物質素更是可想而知。
之後，侍應再上一碗烏冬，然後又過去10分鐘，沒有再上任何菜。我同朋友再次向侍應詢問，只得到一句「整緊整緊」，但眼見串燒的師傅已開始洗嘢收爐，我哋過左一陣再次詢問一位短頭髮女經理。此時，女經理才恍然大悟般急步走向廚房，要廚房急出一份鰻魚飯。當我哋向女經理表示用餐時多次漏單的事和因用餐時間過長而困擾時，女經理亦無作任何解釋或致歉，只急說鰻魚飯已出好，不好取消，最多打包。之後奇蹟般，我哋等左十幾分鐘都等唔到嘅鰻魚飯，兩分鐘內打包好連同餐入面嘅甜品一併送上台。
如此「優質」服務，最後收了15%服務費。
平日返工，已經攰到成隻狗，本身只想在happy Friday食餐好嘅慰勞自己，結果食餐飯仲攰過返工，愈食就愈眼瞓。而我同朋友本身要辦嘅事情，亦因時間關係，無辦法做到，要擇日再山長水遠來到太古城。但再來到幸福鳥，就不了。
等左差唔多20分鐘先有嘅鰻魚飯
12 瀏覽
0 讚好
0 留言
非常鹹的味精野菜鍋
5 瀏覽
1 讚好
0 留言
Salad
2 瀏覽
0 讚好
0 留言
張貼
