影片
更多
2017-07-10
1331 瀏覽
明明攞咗兩隻蟹來，轉個頭話我哋係得壹隻，我哋話係有兩隻拎來，跟住負責收海鮮個阿姐話冇睇唔知，屈我哋話自己講有兩隻，仲要好串攞返盆海鮮叫我地自己睇係得一隻，我哋就話肯定有兩隻叫佢哋再搵，轉頭就話喺廚房原來走甩咗，明明扎住點會走到，莫非我哋啲蟹真係咁新鮮？搵到都算啦見佢哋好誠懇致歉我哋都冇所謂， 點知原來好戲在後頭，當所有餸食晒之後，碟蟹遲遲都未見，莫非又再次走甩咗？我哋問啲侍應個個都話煮緊等多2分鐘，卒之足足等左兩個幾鐘先至煮到出嚟，個四眼叔叔仲要好串咁放落枱，啲蟹咬左一啖係凍嘅，我哋都費事食！明明係同奶奶慶祝生日點知食到谷 X氣，我知你哋好生意，都唔係咁做法架架？
張貼