影片
更多
2017-12-17
878 瀏覽
平日真係甚少去長沙灣, 咁啱有個消防局開放日, 去參觀都要醫肚既, 呢個商場眼望好似得3間餐廳, 由於其他兩間都好多人, 所以就去咗呢間, 我地叫咗雞翼雞脾薯條,豬扒包, 凍檸茶都算好快送上, 之後係惡夢既開始, 等咗半個鐘都未有食物上, 啲侍應個個都冇笑容, 又冇禮貌, 問多幾句都覺得你煩咁, 追咗幾次單既答案都係話等陣, 係離你幾丈遠既枱同你講句等陣, 行嚟我張枱都懶, 之後走去近廚房部果邊追, 得到既答案係第三張單先到我張枱喎, 我覺得似漏單多, 因為遲嚟既人係有得食先, 我叫豬扒包佢又叫豬扒包, 點解佢遲嚟可以有得食先呢? 唔通係熟客優先? 最後走到去收銀同個人講話取消單, 佢先話唔好意思呀, 好快嚟整緊啦, 如果單點凍檸茶要收18蚊, 而家食到一肚氣仲會為咗果18蚊而再繼續等咩? 梗係走人啦, 下次唔會再去幫襯囉! 簡直不知所謂
張貼
