新南苑私房菜火鍋鷄煲 (海德中心) (已結業)

平時係屋企間中都會開爐十下十下，但呢排咁潮濕，真係唔想間屋濕上加濕。見咁耐無出街打邊爐，之前見朋友post過呢間辣雞煲打邊爐，最吸引我嘅係個自家製南瓜蓉公仔，好可愛呢！就一於去呢度打個二人邊爐先。兩個人比較難散叫，所以任食火鍋就最好不過，但一般放題質素都麻麻，太貴又唔化算。呢度係$298一位＋10%，明碼實價！招牌鬼馬麻辣雞煲都係放題，你想食幾多都得，第一round份量已經唔少，味道夠惹味，雞肉夠嫩滑，唔係鞋口的！之後店員細心地換個新的火鍋煲，一打開有驚喜，呢個鮮蟹花甲湯材料七彩繽紛，當然唔少得我最期待嘅南瓜蓉公仔，係一個好可愛嘅Bear Bear🧸，真係唔捨得溶咗佢，之後店員細心加入南瓜清湯，鮮甜美，湯底入邊嗰隻蟹都好肥美多肉、肉質鮮甜美味，食得出鮮味！送嘅小食一啲都唔野少，就係一人一隻大大椒鹽鮑魚，十分香口彈牙！跟餐附上嘅有一碟新鮮肥牛、丸類同菜。最矚目莫過於個海鮮拼盤，好有份量又夠新鮮，有龍蝦、花膠，筒蠔、大扇貝、海蝦等，見隔離枱有10幾人個拼盤簡直係超級巨型，好有睇頭！龍蝦啖啖肉，十分彈牙，真係見到佢哋係個魚缸撈上來的，好新鮮！食咗咁多係咪已經飽飽地？但係其實仲有大把嘢食可以俾