影片
更多
2021-09-23
2790 瀏覽
同朋友行K11 musea，呢個商場真係好特別，因為特別大，空間感足夠，行得舒適又唔迫。仲有鋪頭好多，又大間，可以慢慢行慢慢睇，行得好舒服。。行左一陣我地打算搵間餐廳坐低傾下計。其實呢間餐廳真係無意中發現，我地四圍兜嘅時候有個職員企係門口，我地就望一望餐牌，咁佢又同我地介紹一下，原來係食西班牙菜，餐廳入面仲好特別，全部牆都係LED mon，好有feel，咁我地就入去坐低左。。。入而裝修真係好特別！圍住LED mon，之後會不停轉換景色，春夏秋冬四季都有㗎，加上餐廳會播住音樂，係餐廳食飯時候，真係好有feel。餐廳lunch set有2種嘅，我地乜都想試下就點5道菜lunch啦。。頭盤係固定嘅西班牙鯷魚蕃茄水晶包一上枱，哇，咁靚嘅，用個盒仔裝住。個包烘到脆卜卜，上面放左蕃茄粒同紅椒粒，之後鯷魚咸咸地咁，一啖一口岩岩好。黑松露磨菇湯哇，個碗好靚😂當然個湯都好正，入口濃郁黑松露味，加上有奶泡加左係面，又香又滑又濃味！牛油果沙律🥗好fresh嘅感覺，菜好新鮮，仲加左青蘋果片落去，加左小小嘅油醋汁，味道岩岩好，有幾片牛油果🥑感覺好健康香蒜魷魚🦑固定嘅小食，西班牙菜應該真係以魷魚為主，好似好多食物
行左一陣我地打算搵間餐廳坐低傾下計。其實呢間餐廳真係無意中發現，我地四圍兜嘅時候有個職員企係門口，我地就望一望餐牌，咁佢又同我地介紹一下，原來係食西班牙菜，餐廳入面仲好特別，全部牆都係LED mon，好有feel，咁我地就入去坐低左。。。
入而裝修真係好特別！圍住LED mon，之後會不停轉換景色，春夏秋冬四季都有㗎，加上餐廳會播住音樂，係餐廳食飯時候，真係好有feel。
餐廳lunch set有2種嘅，我地乜都想試下就點5道菜lunch啦。。
頭盤係固定嘅
西班牙鯷魚蕃茄水晶包
一上枱，哇，咁靚嘅，用個盒仔裝住。個包烘到脆卜卜，上面放左蕃茄粒同紅椒粒，之後鯷魚咸咸地咁，一啖一口岩岩好。
黑松露磨菇湯
哇，個碗好靚😂當然個湯都好正，入口濃郁黑松露味，加上有奶泡加左係面，又香又滑又濃味！
牛油果沙律🥗
好fresh嘅感覺，菜好新鮮，仲加左青蘋果片落去，加左小小嘅油醋汁，味道岩岩好，有幾片牛油果🥑感覺好健康
香蒜魷魚🦑
固定嘅小食，西班牙菜應該真係以魷魚為主，好似好多食物都有魷魚。。。呢個魷魚好香蒜味，食入口又唔會un，正
地中海海鮮什錦焗飯
個飯應該有預先炒過，好食又香，啲飯好煙靭，粒粒分明。海鮮有蝦，又蜆同魷魚🦑
份量就唔算好多，但一定夠飽嘅
地中海魷魚黑蒜蘑菇意粉
又係魷魚啦，真係好多魷魚！呢個意粉睇落好普通，其實好特別，因為啲意粉係比較粗身，而家唔淋，食入口係有小小麵粉嘅質感，有咬口嘅，之後每條意粉都沾有蒜味。魷魚份量好多。。。。
甜品🍮
甜品真係廚師推介，我諗係食果日先知係咩甜品😂今次係一粒檸檬🍋，真係一粒檸檬。一切開入面類似係打發左嘅cream ，口感好似雪糕。中間有個檸檬蓉，甜甜地但有陣陣檸檬香味。檸檬皮係朱古力薄脆皮，好好食！呢個甜品真係大讚！陣陣檸檬香，唔會太甜
最後當然包左一杯餐飲，可以加錢轉西班牙水果紅白酒，不過lunch time我就唔飲酒啦。。。所以飲凍檸茶😂
呢度坐得好舒服，lunch time好多人食，好彩早小小入座唔洗等。同埋真係有好多打卡位，我見好多OL邊食邊影相😂😂😂坐我隔離有班男仕話影相俾另一半睇😂😂😂不過我就覺得餐廳音樂係太大聲，雖然英文歌好好聽，不過就嘈左小小。。但整個環境真係好特別，LED嘅背景亦會不停轉換。。。可以係唔同時間打卡呃like🤪🤪
張貼
