金記冰室 (赤柱廣場) (已結業)

赤柱半天遊，最尾站是食埋個晚餐才打道回府。揀左食個快飯地方「金記冰室」其集團出品水準都差唔多，基本上冇乜失凖。平日來的日子，座位任坐，乾淨光猛。此店冇自助落單，所以要搵人幫。但店員反應差，叫極都冇反應，終於忍不住自己行出去搵人落單。「鮮茄焗厚切豬扒飯 」$72賣相超吸引、先切開豬扒，真心厚！入口又稔又夠味、炒飯底冇可挑剔，有蛋絲，炒飯底加左菠蘿洋蔥蛋絲、蘑菇，飯粒不太乾，茄汁甜酸平衡得好，份量也剛剛好，整體來講是我吃過頭三甲的好味焗豬扒飯，出色！紅豆冰 - 加配半價 $14花奶椰汁底，可惜味道較淡，紅豆入口軟棉可口，甜度適中，以此價錢來講是可以的。