金記冰室 (赤柱廣場) (已結業)

打完八號颱風的第二天，除了早上有點點雨，一切也回復了平靜，鬱了在家的一整天，決定到赤柱走走。逛到下午3點多，天色又開始暗，回到車站附近的赤柱廣場用餐比較方便，於是選了金記。霸王雞、沙薑雞每份例牌各$72雞有雞味，沙薑雞滿滿的沙薑粉，香濃惹味，雞件肉厚，例牌份量都不少，真係大件夾抵食！加$15有白飯、老火例湯同飲品，老火湯足料，有豬骨、猴頭菇等，鮮甜好味鐵板美式雜扒$106已包羅宋湯及飲品，可選薯菜意粉或飯。豬扒、雞扒、牛扒、香腸，煙肉、西蘭花、車厘茄……選了蒜蓉汁，熱辣抵食，肉質鮮嫩粟米鮮甜一向食開鐵板薯條得幾條，今次真係喜出望外，有一大碟另上啊🤤🤤食了咁多肉，點兩杯檸水消滯就啱晒！