十字冰室 (恆陞大樓)

營業中

休息中

黎到下午茶時間，個肚有啲餓，見係西營站附近好多酒吧，行下行下又想食番d本土野，所以搵左一間冰室坐下，食番個佬飯醫醫肚先。入到去餐廳可能下午茶時間既關係，成間鋪得一個客，所以就甘睇空間都算幾大。成間鋪都用上十字牌牛奶既元素黎做裝飾，望落都幾有feel。就係唔見有賣十字牌牛奶，如果賣埋d樽裝既十字牌牛奶，都咪話唔過癮。下牛茶時間叫左個飯同小食，份量都好足料，唯獨係個小食炸魷魚圈比相像中差。香煎雞扒有我成塊面甘大，食落味道唔錯唔會過咸，雞蛋煎得非常漂亮，一啖雞肉一啖蛋黃，食落好滿足！望相既時候比我既感覺魷魚圈好大舊，睇落好吸引，但實物嚟到嘅時候有啲失望。首先魷魚圈比想像中細，而食落口更加驚訝，佢並唔係魷魚圈，而係切碎左既魷魚加埋類似薯仔或者白蘿蔔做餡料，或者可能係我誤會左魷魚圈同魷魚冬甩既意思，令我有如此落差。雜果沙律更加係敗筆，佢只係將啲罐頭雜果沙律倒出嚟再加少少沙律醬係面頭。