影片
更多
2016-04-04
316 瀏覽
一入到間餐廳，見到幾枱人都係講普通話，我估應該味道會正宗，如果唔係點解會有咁多內地人幫襯，有啲期待。冰鎮花膠 $58有洋蔥絲同青瓜絲，加上辣椒碎，上面鋪上花膠絲。洋蔥好辣好嗆，未必人人接受到。 不過幾特別，我都係第一次咁食花膠。鎮江醋味好濃，味道有啲搶，唔可以話好味，只可以話特別。酸辣土豆絲 $68見隔離枱對內地情侶叫，我地都跟住叫先。 係唔錯，呢個唔算好辣，無個花膠咁辣，蒜蓉味更突出。夠鑊氣，土豆絲唔會切得太幼，所以仍然好爽口，啱送飯。乾鍋黃骨魚 $118香港唔係好多地方有黃骨魚食，o係內地就食得多，多數係蒸，第一次o係香港試到乾鍋整o既。有個爐熱住上，好香乾辣椒味道，有好多蒜頭 （我差唔多食晒啲蒜頭），好甜。 黃骨魚先炸咗，皮脆但啲肉一啲都唔乾，仲好滑，好嫩，唔錯。香辣手撕雞 $138啲雞有炸過，好香口，好啱送酒。 連埋啲乾辣椒同蔥一齊食會更香。 雜糧包 $58呢個要試！ 香港好少有，之前o係內地食過，覺得好得意！味道好似饅頭咁，但形狀係好似平時西餐o既大啡菇咁，似個碗仔咁俾你裝啲餸一齊食，小朋友一定好鍾意。 配菜係啲尖椒+辣椒+梅菜炒埋一齊，唔係好咸，配埋個包一齊食，好有風味～
冰鎮花膠 $58有洋蔥絲同青瓜絲，加上辣椒碎，上面鋪上花膠絲。洋蔥好辣好嗆，未必人人接受到。 不過幾特別，我都係第一次咁食花膠。鎮江醋味好濃，味道有啲搶，唔可以話好味，只可以話特別。
酸辣土豆絲 $68見隔離枱對內地情侶叫，我地都跟住叫先。 係唔錯，呢個唔算好辣，無個花膠咁辣，蒜蓉味更突出。夠鑊氣，土豆絲唔會切得太幼，所以仍然好爽口，啱送飯。
乾鍋黃骨魚 $118香港唔係好多地方有黃骨魚食，o係內地就食得多，多數係蒸，第一次o係香港試到乾鍋整o既。
有個爐熱住上，好香乾辣椒味道，有好多蒜頭 （我差唔多食晒啲蒜頭），好甜。 黃骨魚先炸咗，皮脆但啲肉一啲都唔乾，仲好滑，好嫩，唔錯。
香辣手撕雞 $138啲雞有炸過，好香口，好啱送酒。 連埋啲乾辣椒同蔥一齊食會更香。
雜糧包 $58呢個要試！ 香港好少有，之前o係內地食過，覺得好得意！
味道好似饅頭咁，但形狀係好似平時西餐o既大啡菇咁，似個碗仔咁俾你裝啲餸一齊食，小朋友一定好鍾意。 配菜係啲尖椒+辣椒+梅菜炒埋一齊，唔係好咸，配埋個包一齊食，好有風味～ 值得試試。店員有問問我地啲餸菜o唔ok， 仲話魚頭係佢哋招牌菜，睇menu ，係見到有3 款魚頭， 但可惜我地都唔係好食魚頭，所以無叫。 下次多啲人一齊食可以試試。
總結： 幾有特色o既湘菜，可以食到香港少有o既味道。
張貼
