一碗小麵 (已結業)

嗰日做完運動就返返屋企附近諗住求其食啲嘢所以就入咗去呢間細細間嘅鋪頭諗住食返碗麵入到鋪頭已經覺得勁香 應該冇死錯人就同男友嗌左一碗唔記得左叫咩名嘅牛肉麵同埋四川涼麵加埋碗餃子紅油汁上個四川涼麵麵質QQ好好食啲汁嘅辣到恰到好處我哋係嗌小辣嘅 出咗小小汗之餘再配埋罐汽水就爽啦我個碗紅燒牛肉麵有豬手有豬腸有牛腩有牛筋咁上下 我個人最欣賞個豬手又唔油膩又入味唔錯餃子就還好主要都係覺得佢啲面食比較好食聽講話有早餐仲要有埋豆漿下次可以試吓見到佢哋做好多外賣應該附近大學生都幫襯唔少