四姐川菜

營業中

休息中

原來係灣仔都有分店，不過位於比較隱蔽既樓上店，要細心小小先搵到！招牌四川涼麵一上菜店員就會幫你撈好個麵佢，雖然係麵食，但非常開胃，辣度足夠，食落個口有少少麻脾，有醋調一調味，味道平衡，唔會得個辣字，麵條爽彈，冰冰涼涼咁送入口中，好好食！招牌重慶水煮魚食川菜當然唔少得水煮魚啦，雖然一邊食一邊辣到流汗，但真係停唔到口。一塊塊嫩滑既魚柳配上川味既辣，個辣好有層次，先麻後辣，食落唔會悶，夠香夠辣，而且唔會油膩，非常好食。仲有寬薯粉係入面，薯粉質地非常彈牙，但亦都夠林，好易就咬開，口感一流，加上吸引水煮魚既麻辣，好令人回味。糖醋里脊有點似港式既咕嚕肉，但係用左里脊，冇咁多脂肪，但係肉質嫩滑彈牙，非常好食，切成條狀食起黎非常方便，炸到金黃既外層好脆口，加上每一條都平衡地滿佈醬汁，醬汁酸中帶甜、但冇港式個種咁酸，好好食。