影片
更多
2019-12-02
2157 瀏覽
小弟家住美孚，平常都會晌屋企食完早餐先返工，而一星期就只會揀星期六出街食早餐，所以就有個「我的星期六美孚早餐」系列。但今次嘅星期六，就過咗隔離區「荔枝角」食早餐，事緣都喺因為有張「Delifrance $50」優惠券，趁記得，早啲用咗佢。荔枝角有唔少「無牌」食肆，皆因佢哋位處廠廈，攞嘅喺廠廈食堂牌，所以，門面見唔到任何招牌，但三間藍白紅法國國旗顏色，都一眼認到佢喺Delifrance。個鋪位好深，近門口搵到位就無再行入去，其實，裡面嘅地方都幾大，一貫法式咖啡小店嘅格局，比去快餐店當然好坐，感覺亦悠閒啲。晌出面櫃位，最吸晴當然喺擺放咗多款法式麵包嘅麵包櫃及多款甜點嘅凍櫃啦，外觀吸引，自不然駐足觀看睇咗陣。而電子餐牌就晌櫃位上面，其實，佢哋都有提供啲細餐牌俾客人拎埋位慢慢睇，不過，數埋都唔喺太多款，都唔難搵到啲心水選擇。仲有一類「Grab & Go」嘅外賣套餐，一款包配一杯嘢飲，只喺賣$19 / $21，咁嘅定價絕對喺跟附近嘅麵包鋪、茶記搶區內寫字樓客。午市、晚市都會落單後有店員將食物送上，但早市就等叫號碼自己出櫃位拎。此外，餐具、調味料……等等，都喺自助，自行出去搞掂。烘芝士炒蛋小班尼包
荔枝角有唔少「無牌」食肆，皆因佢哋位處廠廈，攞嘅喺廠廈食堂牌，所以，門面見唔到任何招牌，但三間藍白紅法國國旗顏色，都一眼認到佢喺Delifrance。個鋪位好深，近門口搵到位就無再行入去，其實，裡面嘅地方都幾大，一貫法式咖啡小店嘅格局，比去快餐店當然好坐，感覺亦悠閒啲。
晌出面櫃位，最吸晴當然喺擺放咗多款法式麵包嘅麵包櫃及多款甜點嘅凍櫃啦，外觀吸引，自不然駐足觀看睇咗陣。
而電子餐牌就晌櫃位上面，其實，佢哋都有提供啲細餐牌俾客人拎埋位慢慢睇，不過，數埋都唔喺太多款，都唔難搵到啲心水選擇。
仲有一類「Grab & Go」嘅外賣套餐，一款包配一杯嘢飲，只喺賣$19 / $21，咁嘅定價絕對喺跟附近嘅麵包鋪、茶記搶區內寫字樓客。
午市、晚市都會落單後有店員將食物送上，但早市就等叫號碼自己出櫃位拎。此外，餐具、調味料……等等，都喺自助，自行出去搞掂。
烘芝士炒蛋小班尼包配迷你有機鮮蘑菇及香甜粟米蘑菇湯長通粉 $42餐牌中有數款素早餐，呢款「B5」喺其中之一，而個名真喺長得誇張，簡單嚟講，就喺一份炒蛋麵包及一份湯通粉，其實份量好夠，因為整件小班尼包塞滿芝士炒蛋，而長通粉雖然稱為迷你，但食落卻喺唔少。
個烘芝士炒蛋小班尼包確喺幾好食，包身好軟綿，有麵粉香，啲蛋又炒得滑身，仲睇得到唔少溶透嘅芝士。
長通粉加入蘑菇湯，味道本身已經好唔錯，比起快餐店啲「清湯」喺好好多，另外加咗唔少有機鮮蘑菇片及粟米粒，當堂增值晒。
少有哋老婆無揀啲有機果茶，反而揀咗錫蘭奶茶，再自行加咗少少肉桂粉。點都好，奶茶我都喺覺得茶記會沖得有水準啲，而佢就話呢杯奶茶OK啦。
鮮菠菜有機鮮蘑菇奄列配芝士醬及自選麵包 $46、迷你火雞片有機鮮蘑菇湯長通粉 +$12就番老婆口味，我都揀埋另一款素早餐，其實，感覺都有點貴，因為單單喺一份奄列配麵包，而麵包可以揀百吉包、牛角酥、芝麻包、牛奶多士。由於今次喺使用張優惠券，要湊夠$100以上先用得，所以，就額外加配一客迷你湯通粉。
鮮菠菜有機鮮蘑菇奄列做得唔錯，煎得嚟裡面仲保留到啲蛋汁，入口唔會太乾，而且混有好多鮮嫩嘅菠菜，而所謂配芝士醬亦只喺裡面加咗少少芝士。至於件牛角酥，明顯個樣就唔合格啦，睇到捲起嚟都好「求其」，左右都唔對稱，口感亦都唔夠酥化，食落似似哋啲過氣油炸鬼咁，好失望。其實睇見麵包櫃嗰啲都唔喺咁，算我唔好彩。
碗長長通粉睇落好似我老婆嗰碗，可講大同小異，多咗片火1雞片，少咗啲粟米粒。故此，基本上味道就跟佢嗰碗一樣。
早餐嚟杯鮮磨咖啡就特別醒神，況且，Delifrance嘅咖啡都飲過，印象中喺唔錯嘅，睇得到面層仲有啲咖啡油，就知喺好嘢。確實，咖啡味非常香醇。
今餐加配咗個長通粉，所以，食得特別飽，飽餐後，又喺順道兜過去荔枝角公園行吓。星期六嘅朝早，喺我哋覺得一星期裡面最輕鬆嘅時光，唔使趕返工，唔使趕聚會，輕輕鬆鬆食個早餐，行吓公園，做個風騷快活人。
張貼
