伊斯坦堡特快 (新文華中心) (已結業)

今日行咗半日博物館，好鬼肚餓，係尖東搵間野食醫肚，又唔想食茶記，抬頭一望…土耳其！就去試下啦。將近5點左右，餐廳得兩檯客，我地可以坐窗邊位置。我地2大人1小朋友，叫咗2個卷1個沙律。土耳其特色轉燒雞肉沙律 - 片出嚟嘅雞肉大小適中，份量都ok，沙律主要係有生菜、甘筍、紫椰菜、蕃茄。亞丹挪串燒羊肉卡巴卷、混合肉卷 - 大份，除咗肉之外，都夾有蕃茄、生菜、洋蔥。羊肉粒係有d紅色辣椒碎，只係微辣。羊肉唔係好濃味。而混合卷係牛肉同雞肉片，味道都ok。總括，普普通通，餐廳名有Express字眼，就好似普通的茶餐廳，呢間係普通的土耳其餐廳。