地地道

營業中

休息中

觀塘午飯，呢間都算數一數二叫抵。呢碗其貌不揚的，其實係清湯牛腩湯飯。牛腩都有五六舊，夠腍夠入味；蘿蔔都唔算少，而且大大塊。湯底都有味，唔會太咸但肯定有味精。整體都滿意，唯獨個飯底好 hea 。成舊冷飯放入去咁 😩，同埋賣相好頹囉⋯⋯午餐包熱飲，杯咖啡都唔錯。環境其實算係咁，夠闊落，有卡位有電視夠冷氣。算衛生啦，枱面、地下同餐具唔會癡笠笠，食左咁多次都冇肚痛。有時候唔太肚餓，或者想頹食快餐，甚至銀包窄窄地，都好適合來呢到。午餐平均$40 咋 ～12:30 前埋單 -4 蚊 ； 1:00 前就- $2 ，即係$36 有餐飽飯食，糧尾福音，相信拯救咗唔少打工仔；唔 like 對唔住自己。