影片
更多
2013-11-02
144 瀏覽
聽聞呢間舖嘅羊湯米線出名羶，羶到成間舖都係，我就同女友冒名而來。不過入到去，一啲羶味都冇，可能係通風做得好。細碗賣$31唔包嘢飲，咁我哋睇吓隔離枱食緊嘅細碗有幾細，發覺隻碗都好大吓，於是就兩碗細，一碗有皮有碗淨瘦，再加多碟青瓜。先嚟碟青瓜，幾個字可以形容：爽、凍、有味。係咁多，食完都冇記憶嘅，當係食菜咁食。到主角出場。我嗰碗淨瘦就真係一啲肥羔都冇，上面張相連皮嘅就乜都齊晒。但係兩碗都有一個共通點：唔羶，冇乜羊味。以前喺太子間馬家莊食過，嗰碗湯飲落就知有料到，羊味羶味乜都齊；而呢碗米線，係就係夠大碗，但係似飲清湯米線多啲。羊肉腍而且唔黐牙，但係一樣唔羶。最重要係，食完之後埋單出舖頭，個人一吹到風都覺得涼；而馬家莊嗰碗湯，飲完之後出舖頭係全身發熱嘅，咁先似食羊！所以而家睇返啲舊食評，「期望過高」一啲都冇錯。
不過入到去，一啲羶味都冇，可能係通風做得好。
細碗賣$31唔包嘢飲，咁我哋睇吓隔離枱食緊嘅細碗有幾細，發覺隻碗都好大吓，於是就兩碗細，一碗有皮有碗淨瘦，再加多碟青瓜。
先嚟碟青瓜，幾個字可以形容：爽、凍、有味。係咁多，食完都冇記憶嘅，當係食菜咁食。到主角出場。
我嗰碗淨瘦就真係一啲肥羔都冇，上面張相連皮嘅就乜都齊晒。但係兩碗都有一個共通點：唔羶，冇乜羊味。以前喺太子間馬家莊食過，嗰碗湯飲落就知有料到，羊味羶味乜都齊；而呢碗米線，係就係夠大碗，但係似飲清湯米線多啲。羊肉腍而且唔黐牙，但係一樣唔羶。最重要係，食完之後埋單出舖頭，個人一吹到風都覺得涼；而馬家莊嗰碗湯，飲完之後出舖頭係全身發熱嘅，咁先似食羊！
所以而家睇返啲舊食評，「期望過高」一啲都冇錯。
張貼
