六両三 (已結業)

牛肉麵加左隻溏心蛋，湯夠濃無味精，入面加入左小小川味辣，但唔會太辣令濃湯汁變淡。有小小估唔既係牛展份量都幾多，好似食黎食去都仲有咁，估計都多過六片咁，而且牛展都幾厚，煮到好淋好滑入曬味。我就叫左粗麵，麵好爽口食落有質感，仲掛到牛肉湯汁精華。個人認為溏心蛋一定要叫，蛋白好軟好簿，輕輕一咬，蛋黃液流出好勁甘香。 朋友要左三寶牛肉麵，牛展，牛筋同牛肋條。佢比2左小小我試。三樣野都煮到好淋軟，湯底比較下更香辣，但配料好入味，牛肋骨咬落去仲一絲一絲，淋軟到老人家都食得到咁，而麵入面配有生菜都好新鮮爽脆。 我地跟餐仲加左幾款小食，甜不辣、涼伴麻辣豬大腸、涼伴麻辣牛腱頭同麻辣鴨血豆腐。食落小辣但幾入味。 熱冬瓜檸檬茶和凍荔枝烏龍茶。怕凍既我飲左暖暖地冬瓜檸檬茶，飲完都幾解喝。飲完唔會覺得太甜，仲有感覺比較健康。