巴辣仔烤魚雞煲 (加連威老道) (已結業)

尖沙咀食烤魚或者雞褒，第一時間諗起諗間巴辣仔，之前經過幾次都覺得好大間好靚。入到去見原來仲分兩層，冷氣夠而且個位好大，坐得好舒服。店內仲有獨立男女廁，慢慢食都得，非常方便。原條烤魚: 酸菜沙巴龍躉 $388仲可以免費加配4樣配料。佢既沙巴龍躉本身烤過但未完全熟哂，上台後再慢慢煮，一邊煮一邊食岩岩好，時間同熟度控制得岩岩好，好好味，而且全程係有店員幫你處理，好貼心。巴辣鮮雞窩 $218全隻我地揀左香辣味，比起酸菜，我個人更喜歡香辣，而且雞肉食得出好新鮮，唔會有雪味。台內有好多生果都係任食，大家覺得好濟就可以食下生果。