四川辣妹子

打邊爐放題係我經常食既，最近誤打誤撞去左山林道嘅火鍋店，真係幾有驚喜！大廳播住流行歌，氣氛感好重，仲有個唱歌台比客人唱歌。咁湯底呢我就叫左佢哋嘅番茄豬骨湯底，酸酸甜甜，煲耐啲仲有啲鮮甜味，啱晒鐘意濃味湯底嘅人。而火鍋配料同其他火鍋店一樣都係任食，安格斯牛肉都係任食,切得啱啱好，涮幾秒就嫩滑得嚟有口感，唔會太老。至於海鮮拼盤方面我揀左蒜蓉蒸，有大虎蝦,扇貝,鮑魚夠晒新鮮，入口仲有少少彈牙，扇貝亦都夠甜，感覺好滿足。另外，係大廳見到有幾間私人包廂，下次有機會試下book，算幾舒服嘅體驗。