韓閣 (已結業)

呢間韓閣之前我都有去過，不過只係食炸雞，冇食過其他嘅食物，原來黃大仙都有喎，所以今日就去咗食喇，見到裏面嘅餐牌多咗好多唔同款式嘅食物，有一些係特別推介我都叫咗試下，我叫咗芝士咖喱海鮮農夫包配軟殼蟹及芝士黑豚骨歡樂盤，估唔到又幾好味喎😋個農夫包脆卜卜好好味，仲有個咖哩味道啱啱好，唔梯濃唔太淡，另外黑豚骨歡樂盤個芝士味道好濃烈好香而側邊加熱之後原來係蛋嚟嘅，啲蛋好嫩滑啱啱好，跟黑豚骨味道都好配呀，另外又叫咗一個石頭鍋飯好足料好飽呀。 飲品方面叫咗一個比較特色嘅海鹽梳打凍飲淡淡地唔太甜配合咁濃烈味道嘅食物最好，已經好飽喇，唯有下次再嚟試其他嘅食物啦👍👍