平昌

營業中

休息中

返工有同事提起食韓燒，之後就即興約咗夜晚出旺角食平昌。我哋book咗七點半，好彩有訂位，一入到去已經見到坐滿晒客人。我地今晚揀左大君御膳的任食套餐，餐牌上面除咗有燒肉和海鮮外，都有好多熟食可以選擇。一坐低，枱上已經有齊芽菜、生菜和韓式泡菜。食物整體上質素很高，特別推介係燒鰻魚，鰻魚燒汁好惹味，大概燒2至3分鐘，鰻魚已經是熱熱的，很入味。另外要推介嘅係韓式拉麵，拉麵煮得剛好，麵好爽口彈牙。烤蝦，好新鮮，而且好清甜。牛舌，切得厚厚的，咬落口好有肉汁！值得一提嘅係呢間餐廳嘅油煙系統幾好，店員嘅服務態度亦都唔錯，性價比高！