炑八韓烤 (青衣城1)

營業中

休息中

呢日行街行到青衣城，朋友想食牛，見到炑八韓燒嘅燒肉時光套餐幾啱我哋心水，是時正值下午6點鐘，餐廳人唔多，到我哋離開時已滿晒座，所以揀啱時間好緊要。燒肉時光套餐內裡有超大件的澳洲和牛肩肉，葱蒜牛五花，彥陽牛肉，牛小排及牛脷，仲有大大隻的大蝦（呢個係我嘅favourite，大隻厚肉，新鮮彈牙)，所有嘢砌成一隻牛，好鬼靚咁。除此之外，仲有四款前菜，泡菜，芽菜，海帶和酸蘿蔔，一食完一碟即刻有人問你添唔添，好貼心又及時。爐邊蛋及芝士栗米亦好味，都係食完有得refill個隻。個餐的其中一樣嘢，炸雞亦係香脆可口。冰涼薄荷乳酸梳打和皇牌士多啤梨乳酸梳打絕對係燒肉的最佳拍檔。