影片
更多
2025-03-19
145 瀏覽
2000年韓式大排檔有驚喜，一入去就俾佢成裝潢吸引。叫咗幾樣韓國美食，其中一個火鍋係海鮮加五花腩三合一，裏面嘅海鮮好豐富，鮑魚、魷魚、蝦等等，而且五花腩貌相好吸引，店員仲幫我哋燒到佢哋變做金黃色，好有泡菜嘅味道。不得不提嘅係排骨鍋，呢度嘅招牌菜，最多客人會點嘅菜式，香濃入味，而且啲排骨大大嚿煲到啲肉好腍，成個鍋都相當足料。佢嘅海鮮煎餅都一樣夠足料，而且大大塊。冷麵配上牛肉，同啲鍋一齊食非常配合，一冷一熱，而且雖然係辣，但其實比較香甜，所以唔食得辣嘅都冇問題，冷麵拉上相當吸睛。突然間成個場漆黑一片，以為停電，原來係有人生日，店員隨即走出嚟，捧住蛋糕同小樂器，走向壽星仔作出祝福同慶祝，相當有心思同難忘嘅一幕。整體嚟講食物有水準，店員服務周到，環境好啱打卡，地點就喺朗豪坊，很方便，整體嚟講都係值得同朋友或者節日慶祝嘅好地方。當日食嘅菜式如下：海鮮＆五花肉三合一 $340海鮮煎餅 $148烤牛肉拌冷麵（辣）$128排骨湯（跟飯）$148梨汁 $30
不得不提嘅係排骨鍋，呢度嘅招牌菜，最多客人會點嘅菜式，香濃入味，而且啲排骨大大嚿煲到啲肉好腍，成個鍋都相當足料。佢嘅海鮮煎餅都一樣夠足料，而且大大塊。
冷麵配上牛肉，同啲鍋一齊食非常配合，一冷一熱，而且雖然係辣，但其實比較香甜，所以唔食得辣嘅都冇問題，冷麵拉上相當吸睛。
突然間成個場漆黑一片，以為停電，原來係有人生日，店員隨即走出嚟，捧住蛋糕同小樂器，走向壽星仔作出祝福同慶祝，相當有心思同難忘嘅一幕。
整體嚟講食物有水準，店員服務周到，環境好啱打卡，地點就喺朗豪坊，很方便，整體嚟講都係值得同朋友或者節日慶祝嘅好地方。
當日食嘅菜式如下：
海鮮＆五花肉三合一 $340
海鮮煎餅 $148
烤牛肉拌冷麵（辣）$128
排骨湯（跟飯）$148
梨汁 $30
張貼
