SUN HARU (彌敦行) (已搬遷) 新店位置

天氣太熱，仲同小朋友出街玩左成日，完全唔想煮飯，連出街食個晚飯都唔想郁，即刻叫老公買個外賣返嚟食。平日好少買韓式外賣，呢排睇得多韓劇就好想試吓韓式便當。老公選左呢間喺油麻地嘅韓式炸雞外賣店，好近地鐵站，舖仔細細要留心睇先唔會走漏眼。天氣熱，就叫左個水冷麵同粉絲便當，凍凍地易啲食。水冷麵個湯酸酸地好開胃，有泡菜喺個湯度，如果再多啲拎個湯辣多小小就好啦。麵入面有隻糖心蛋，生熟啱啱好。另外仲有三件炸雞，份量夠哂。粉絲便當粉絲好彈牙，加埋辣醬就仲好。便當仲有兩件炸雞同兩件蛋卷，炸雞同蛋卷下面有蘿蔔絲同雲耳絲墊底，外賣都有啲菜食吓，營養均衡啲。