達人包車 (已結業)

今時今日一講韓國街，一定會知道係尖沙咀啦，今次終於黎左位於金巴利道「達人烤肉」食番餐韓國餐喇。店內食物種類多，有炸雞、人蔘雞、年糕、沙津、牛肉、豬手等等。講到肉類，最鍾意食梗係離不開牛肉啦，見到有個大大盤 「 醬烤牛肉$280」一於試下，盤內除左牛肉之外仲混入洋蔥、紅蘿蔔絲及一些蔬菜，牛肉肉質很軟滑，牛肉肉味濃郁加埋帶少少牛脂香，伴隨吸收牛肉汁的蔬菜同吃，味道很不錯。（最底部放入了粉絲，同樣吸收左大量精華，必食）一餐韓國菜無番少少辣野好似感覺差小小，決定點番客 「辣海鮮湯 $200」，湯頭味道出奇地濃郁，除左夠辣之外仲帶著濃濃的蝦味香，一路煲滾的熱湯，特別好飲！海鮮方面，有大隻青口、蝦、蜆、蟹... 蟹都有一隻份量，size就不算大相對肉不多，青口反而幾鮮甜，令人喜出望外個湯頭，真的很濃香。