影片
更多
2023-09-30
72 瀏覽
韓國當代安酒文化x新派西式烹調=ANJU Restaurant & Bar，閃亮登陸假西九龍圓方演薈廣場頂層💖一向都好鐘意韓國酒食文化，收工最岩約埋班同事歡暢盡興，好好relax吓，輕輕鬆鬆飲杯嘢，暢談一番🥳今晚黎到ANJU Restaurant & Bar，霓虹燈設計配色彩鮮艷壁畫，加上昏暗燈光，打造舒適又熱鬧嘅氛圍🔥「原生蕃茄、泡菜、布拉塔芝士」芝士控嘅我見到burrata cheese即刻心心眼，同埋未試過配泡菜呢個組合！要試！布拉塔芝士口感濕潤，滋味濃郁，輕輕切開外皮，流出香濃如綢緞般內餡，入口非常順滑；用紫蘇、泡菜及芝麻油調味，再配以酸甜爽辣嘅自家製泡菜，出奇地夾，層次豐富！伴碟仲有酥脆海苔、切件原生蕃茄，顏色鮮艷，香甜帶點微酸，係一道好開胃嘅前菜~「醬油帶子鮑魚」韓國名菜醬油蟹就食得多，醬油帶子鮑魚你又試過未？將北海道帶子及鮑魚用上秘製醬油醃製、綴以三文魚子，入口鮮甜彈牙，啖啖充滿海洋鮮味，口感特佳～「醬烤五花肉」店員特別推介呢一款菜式，五花肉烤至外表超焦脆，金黃酥脆嘅賣相真係好吸引，食落Q彈有嚼勁！將生菜包裹住五花肉、白菜、紅心蘿蔔一同食用，提升層次之餘，巧妙地平衡五花肉
一向都好鐘意韓國酒食文化，收工最岩約埋班同事歡暢盡興，好好relax吓，輕輕鬆鬆飲杯嘢，暢談一番🥳
今晚黎到ANJU Restaurant & Bar，霓虹燈設計配色彩鮮艷壁畫，加上昏暗燈光，打造舒適又熱鬧嘅氛圍🔥
「原生蕃茄、泡菜、布拉塔芝士」
芝士控嘅我見到burrata cheese即刻心心眼，同埋未試過配泡菜呢個組合！要試！
布拉塔芝士口感濕潤，滋味濃郁，輕輕切開外皮，流出香濃如綢緞般內餡，入口非常順滑；用紫蘇、泡菜及芝麻油調味，再配以酸甜爽辣嘅自家製泡菜，出奇地夾，層次豐富！伴碟仲有酥脆海苔、切件原生蕃茄，顏色鮮艷，香甜帶點微酸，係一道好開胃嘅前菜~
「醬油帶子鮑魚」
韓國名菜醬油蟹就食得多，醬油帶子鮑魚你又試過未？將北海道帶子及鮑魚用上秘製醬油醃製、綴以三文魚子，入口鮮甜彈牙，啖啖充滿海洋鮮味，口感特佳～
「醬烤五花肉」
店員特別推介呢一款菜式，五花肉烤至外表超焦脆，金黃酥脆嘅賣相真係好吸引，食落Q彈有嚼勁！將生菜包裹住五花肉、白菜、紅心蘿蔔一同食用，提升層次之餘，巧妙地平衡五花肉微膩感～
韓式海鮮拼盤
可自選三款海鮮，夠貼心！我哋揀咗海蝦、八爪魚仔、帶子，由店員將海鮮混和熱辣辣嘅湯汁，好似睇緊表演咁～湯汁有魚餅蘿蔔湯/辣海鮮湯揀，辣海鮮湯味道酸辣濃郁開胃，海蝦好爽滑、八爪魚仔脆嫩鮮味、帶子軟嫩。
「燴洋梨」
果肉清新香甜，配料豐富，有米餅、薑汁雪糕、乾棗及杏仁，樣樣都係我鐘意食，真係好滿足！
「阿芙佳朵」
將濃縮咖啡倒落冰凍嘅榛子雪糕，咖啡香醇濃厚，咖啡迷一定唔可以錯過！另外再可以加配馬格利米酒、Chum Churum士多啤梨口味燒酒、百歲酒或香甜梨醬，超多選擇～
必試充滿韓式風味嘅無酒精雞尾酒系列，匠心推介「Melona Mocktail」，呢杯MELONA STRAWBERRY MOCKTAIL混合益力多、雪碧及乾果，搭配Melona 士多啤梨雪條，滿滿水果香，清新宜人且甜度適中。
張貼
