新沙洞澡堂 (已結業)

🉐特別主題韓式餐廳🉐眾多口味選擇〈部隊鍋套餐〉🥘*韓式牛肉部隊鍋🥓 - 有得揀牛肉或者豬肉，仲有好多配料，包括韓式午餐肉、年糕腸仔串、辛辣麵、芝士、雞蛋、金菇等蔬菜，係咪好豐富呢! 因為有gas爐熱住，所以一直都可以食住暖笠笠既野食~*炸雞🐣 - 咁多款口味方面，我就揀左雪花芝士口味🧀，撒滿芝士粉，甜甜地，估唔到套餐既份量都咁多，有六大舊，每一舊都啖啖肉，仲要無骨添架!*香檳葡萄梳打🍇🍹/藍柑橘白桃梳打🍊🍑🍹 - 套餐有2杯飲品，好多選擇，梳打類別都唔洗加錢!*法式焦糖燉蛋窩夫🍮🧇 - 加$38仲有得食埋甜品，法式焦糖燉蛋鋪係牛角包窩夫上面，就好似食緊兩款甜品咁!*奶醬多窩夫🍼🥜 - 食完一個唔夠喉，叫多一款試下，平時奶醬配多士就食得多，今次配牛角包都係第一次，竟然都係出乎意料既夾，奶醬既份量超重手!〈辣炒年糕〉🌶️🍡有巨量既年糕，仲有鵪鶉蛋同埋超入味既魚糕，基本上次次食韓國菜都會嗌既野食，味道係稍為偏辣，但係非常惹味!〈炸甜薯拉絲芝士條〉🍠🧀呢款小食不得不試，有別於一般炸芝士條，呢度仲加左甜薯，鹹鹹甜甜，令人食完一條又一條，不過記得趁熱食，如果唔係就無拉絲效果架喇!