影片
更多
2023-03-01
92 瀏覽
好耐冇行經韓國街，一場黎到，緊係要食韓國野。每次黎到，都會見到好多新開既韓國餐廳。今次我地揀左屹立多年既南大門黎食。依間南大門，係好多年前，我仲追緊韓星既年代已經係到，可以做到咁多年，實力有返咁上下，味道都好正宗。今次我地叫左燒肉同韓國野食試下。🔹🔸🔹🔸🔹🔸🔹🔸🔹🔸🔹豬肉拼盤 $430包含五花肉、護心肉、豬頸肉、薄切五花腩。薄切五花腩有好多塊有入口即溶，好香。護心肉同豬頸肉既肉質都比較結實有咬口。五花肉有香既油脂，肉質軟腍。仲會提供埋生菜、蒜頭、醬汁俾我地夾黎食。食落會清新好多，唔會好油膩。🔹🔸🔹🔸🔹🔸🔹🔸🔹🔸🔹大醬湯豬肉拼盤包埋既，所以係冇跟飯。大醬湯既味道濃郁，好有大醬味。湯入面放左滿滿既食材，包括翠肉瓜、豆腐和蛤蜊等，好足料。拎出黎既時候仲滾緊，香氣四溢。湯的味道豐富，醬汁的味道濃郁，有著一定既辣度和甜度，令人忍唔住一啖接一啖咁飲。🔹🔸🔹🔸🔹🔸🔹🔸🔹🔸🔹韓式水冷麵 $90D麵黎既時候店員會剪刀剪幾下先，等D麵唔會結埋一舊舊，容易D食。冷麵既麵條柔軟有彈性，搭配酸酸租甜甜既的湯汁，味道好清新開胃，令人回味無窮。嗅落去亦都好香，讓人食欲大開，食完可以再食多幾舊燒肉。🔹🔸🔹🔸🔹🔸🔹🔸🔹
🔹🔸🔹🔸🔹🔸🔹🔸🔹🔸🔹
豬肉拼盤 $430
包含五花肉、護心肉、豬頸肉、薄切五花腩。薄切五花腩有好多塊有入口即溶，好香。護心肉同豬頸肉既肉質都比較結實有咬口。五花肉有香既油脂，肉質軟腍。仲會提供埋生菜、蒜頭、醬汁俾我地夾黎食。食落會清新好多，唔會好油膩。
🔹🔸🔹🔸🔹🔸🔹🔸🔹🔸🔹
大醬湯
豬肉拼盤包埋既，所以係冇跟飯。大醬湯既味道濃郁，好有大醬味。湯入面放左滿滿既食材，包括翠肉瓜、豆腐和蛤蜊等，好足料。拎出黎既時候仲滾緊，香氣四溢。湯的味道豐富，醬汁的味道濃郁，有著一定既辣度和甜度，令人忍唔住一啖接一啖咁飲。
🔹🔸🔹🔸🔹🔸🔹🔸🔹🔸🔹
韓式水冷麵 $90
D麵黎既時候店員會剪刀剪幾下先，
等D麵唔會結埋一舊舊，容易D食。冷麵既麵條柔軟有彈性，搭配酸酸租甜甜既的湯汁，味道好清新開胃，令人回味無窮。嗅落去亦都好香，讓人食欲大開，食完可以再食多幾舊燒肉。
🔹🔸🔹🔸🔹🔸🔹🔸🔹🔸🔹
雪濃湯 $110
湯色奶白色，鋪滿牛肉同洋蔥花，牛肉份量好足，牛肉味道濃郁，湯既味道頭非常濃醇清甜，用黎中和燒肉既油膩岩岩好。另外，雪濃湯本身都會跟一個飯。好推薦大家試下😋
🔹🔸🔹🔸🔹🔸🔹🔸🔹🔸🔹
總結︰整黎黎講，不論燒肉定傳統既韓國菜都做得好出色，難怪可以係尖沙咀屹立咁多年，係一間好正宗既韓國餐廳，食到韓國既味道。
張貼
