面對面

營業中

休息中

餐廳：面對面地點：灣仔巴路士街菜式：台灣菜餐牌：湯麵類，煲類，飯類，撈麵類，小食，下午茶湯麵，飲品鮮蝦雲吞麵 $46鮮蝦雲吞麵有一客四隻雲吞，雲吞皮好薄又滑，真係見到有大大隻鮮蝦同肉餡，味道少少鹹，好味道。麵係白色幼身台灣麵，比上海麵更有口感，質素唔錯，唔會太淋或者一patpat，配有菜心兩條，肉碎，鹹菜同蔥花。而且湯底居然係藥膳湯，清得黎帶好香藥材味，餸麵一流。秘製花枝丸麵 $46秘製花枝丸一客五粒，同麵分開上，炸得皮金黃色，而入面好濃花枝丸味，口感都唔錯，唔會太油，墊有生菜一片，灑上少少胡椒粉。麵同鮮蝦雲吞麵既麵一樣。台灣肉鬆小茄子 $32台灣肉鬆小茄子大大碟，整得熱辣辣既外脆內滑茄子條，加上香口肉鬆，蔥花加甜辣醬汁，味道特別，好惹味，而有多重口感，正。凍菜蜜 跟餐加$4凍菜蜜味道清淡。凍冬瓜茶 跟餐加$4凍冬瓜茶就好清甜，兩杯都叫左少甜。今餐食物質素唔錯，我最鍾意係雲吞麵，而價錢超抵！座位都唔差，乾乾淨淨。