廿八食堂

營業中

休息中

終於有時間上黎俾返個好評啦！事緣係上星期放工同老公嚟呢度撐枱腳，點知未食到一半，屋企有急事要即刻離開。老闆娘聽到超快手，立刻幫我哋打包咗啲飯。因為屋企人係有急事入醫院，到夜啲所有嘢settled已經好夜 ，醫院餐廳已經閂左門，附近又冇嘢食，好彩有老闆娘準備嘅飯🥹嗰下超感動！雖然個飯凍咗，但係個心係暖嘅，嘢食依然好好食，冇因為温度低咗而改變！🥰依家屋企人都好返啦！多謝晒貼心嘅老闆娘❤️希望大家都可以多啲支持下呢間小店！我會再返嚟幫襯㗎！