影片
更多
2023-05-09
294 瀏覽
今日出左尖沙咀，經過呢間餐廳門口見到寫住homemade pasta 好吸引, 就決定入去試下。首先餐廳環境非常舒服，起而家疫症放緩時，佢仲keep住比口罩套非常窩心🥰，而呢個口罩套非法高質，我都忍唔住要帶佢走🤣講番d食物先，前菜有牛角包，法包，仲有個勁鬆化既包，配上海鹽牛油，真係不得了，海鹽帶.出了牛油既油脂味道，真係好好食，我即刻諗番去都要放小小海鹽上牛油度試下🤣。餐湯係忌廉南瓜蓉，超濃郁既南瓜味，又香又滑，最搞笑係阿女將咬左一半既法包沾上南瓜湯，扮食雪糕食得津津有味，咦！奇怪！明明阿女唔太鍾意食南瓜🤔頭盤我地叫左香煎帶子伴椰菜花蓉及意式三文魚簿片。先講香煎帶子，食得出帶子非常新鮮，新鮮既食材好緊要，口感彈牙，果種鮮味係呃唔到既，椰菜花蓉配合得恰到好處，唔會搶左帶子既鮮味。至於三文魚簿片，如果我話佢比美刺身店油脂豐富既三文魚腩，你都唔會信啦，但如果你連埋佢伴碟既食材一齊食，成件事就唔同晒，佢地吊起晒三文魚啲鮮味，非常神奇！黎到主菜有蟹肉忌簾手打意粉、法式黑松露蘑菇蓉釀雞卷、 虎蝦香蒜辣椒意粉。蟹肉忌簾手打意粉非常creamy, 呢個意粉係自家handmade 既，同一般意粉既口感
首先餐廳環境非常舒服，起而家疫症放緩時，佢仲keep住比口罩套非常窩心🥰，而呢個口罩套非法高質，我都忍唔住要帶佢走🤣
講番d食物先，前菜有牛角包，法包，仲有個勁鬆化既包，配上海鹽牛油，真係不得了，海鹽帶.出了牛油既油脂味道，真係好好食，我即刻諗番去都要放小小海鹽上牛油度試下🤣。
餐湯係忌廉南瓜蓉，超濃郁既南瓜味，又香又滑，最搞笑係阿女將咬左一半既法包沾上南瓜湯，扮食雪糕食得津津有味，咦！奇怪！明明阿女唔太鍾意食南瓜🤔
頭盤我地叫左香煎帶子伴椰菜花蓉及意式三文魚簿片。先講香煎帶子，食得出帶子非常新鮮，新鮮既食材好緊要，口感彈牙，果種鮮味係呃唔到既，椰菜花蓉配合得恰到好處，唔會搶左帶子既鮮味。
至於三文魚簿片，如果我話佢比美刺身店油脂豐富既三文魚腩，你都唔會信啦，但如果你連埋佢伴碟既食材一齊食，成件事就唔同晒，佢地吊起晒三文魚啲鮮味，非常神奇！
黎到主菜有蟹肉忌簾手打意粉、法式黑松露蘑菇蓉釀雞卷、 虎蝦香蒜辣椒意粉。
蟹肉忌簾手打意粉非常creamy, 呢個意粉係自家handmade 既，同一般意粉既口感果然唔同，比較有咬口，好好味。
三道主菜我最鐘意就係第二道法式黑松露蘑菇蓉釀雞卷，影出黎個雞好似有啲乾身，但其實入口非常嫩滑，重點係個黑松露同蘑菇蓉，個菇味好香，個菇味來回於口腔內後徑強勁，非常豐富，就算個雞卷食完我都不自覺地就把個醬汁呷晒去，真係好好味🤤🤤
最後一道主菜我地叫左虎蝦香蒜辣椒意粉，香蒜配上辣椒既辛辣味， 相得益彰，非常惹味越食越開胃，虎蝦新鮮彈牙，正！
最後黎到阿女最興奮既甜品， waitress 介紹我地食伯爵茶意式奶凍，話呢個係佢地既signature , waitress 捧個奶凍上黎時我諗起個啫喱廣告，個廣告突出左啫喱起度晃下晃下，呢個奶凍真係同廣告一樣咁晃下晃下，阿女望到佢晃晃下勁搞笑，食落口好柔滑，好香既奶茶香，真係好好味🤤
另一個desert 就叫左紅絲绒蛋糕，甜品擺碟得好靚，cheese cake 伴有香橙乾，咬有一小啖香橙乾再咬一啖cheese cake , 香橙乾既後徑帶有小小苦味，呢個小小苦味令到cheese cake 更有層次，廚師放既每一樣嘢都好有心思😋
我地食到捧著肚皮，太滿足了，最重要係尖沙咀呢個食物質素呢個餐廳環境，呢個價錢簡直超值
下次要再黎啊😍
6 瀏覽
0 讚好
0 留言
張貼
