熺會館

營業中

休息中

疫情嘅關係，已經好耐冇同朋友出去食飯！今次終於約齊人，所以就去咗朋友推介嘅一間火鍋店到打邊爐。餐廳入邊嘅環境都唔錯，周圍都好整齊乾淨。而且仲有一個擺滿酒嘅酒櫃。裝修都好有中國嘅特色👍🏻🌶鴛鴦湯底：川式麻辣鍋同蕃茄薯仔牛腩鍋，麻辣湯底嘅味道非常濃郁，但我覺得唔算太辣，呢個好正👌🏻🍅蕃茄薯仔牛腩湯就比較清甜，好開胃💥極肥脆肉鯇魚腩 ，好少見咁大舊嘅鯇魚腩！肉質非常爽脆。咬落口啖啖肉。味道鮮甜。真係一食就返唔到轉頭😍💥熺會館四寶餃，大大粒。餃子飽滿同多汁。味道非常鮮甜。好食😋💥鹿兒島日本黑豚肉 ，肥膏同豬肉嘅比例啱啱好！肉質比較淋。咬落去嘅時候，豬肉嘅鮮味喺牙嗰度滲返岀黎。😍💥黃金沙炸魚皮，邊爐點可以冇炸魚皮。魚皮炸到非常香脆，而且有濃郁嘅鹹蛋黃味。就咁食同打邊爐都好正！💥鮮製鯪魚滑 ，有非常濃郁嘅鯪魚味，而且一啲都唔腥！食落口爽甜彈牙！💥鮮鵝腸 ，非常新鮮爽口，一d都唔靭！啱晒打邊爐食！