Keyaki (已結業)

講起日本野、串燒真係其中一樣我特別鍾意食既日本菜，最近就去左中環既【Keyaki】，全間餐廳都係主打串燒、燒物同少量佐酒小食。餐廳氣氛好好。分別叫左呢幾樣食物包括自家制免治鷄肉串、鷄翼、雞軟骨、大葱鷄肉、牛舌、鱈魚西京燒、照燒魷魚筒、甜番薯、明太子洋葱、山葵八爪魚、味醂魚乾、燒鱈魚乾、燒芝士年糕、茶漬飯明太子、燒飯糰：醬油、味增、蘋果雪芭個人最推薦以下食材自家制免治鷄肉串：已經包括醬油蛋黃、免治鷄肉串肉質緊實、調味不錯、搭配醬油蛋黃非常creamy惹味。鷄翼：燒到皮脆肉嫩、非常juicy。大葱鷄肉：對比出面真係分量大好多、鷄肉juicy、大葱非常香。鱈魚西京燒：呢個價錢性價比高、肉質非常嫩滑，調味又唔會蓋過魚既鮮味。照燒魷魚筒：呢個都CP值好高、全條魷魚燒得外面脆、肉質爽口。味醂魚乾：甜甜鹹鹹、佢地呢款厚肉過其他地方，又比較軟身，非常推。燒飯糰味增味：外面燒到好脆有飯焦、好香，外面再塗上味增，好惹味。