滾餃

營業中

休息中

自己一向係餃子愛好者，好鍾意食餃子當早餐🥣知道觀塘呢一間小店嘅餃子相當出名，今日放工過去買啲生餃！👍去到店舖，望落去明亮潔淨，如果堂食嘅話仲有相當多嘅套餐，又可以加粉面變為一個飽肚嘅晚餐～但係因為疫情關係，都係買啲生餃算啦🥲餃子有七種，由最傳統嘅韭菜豬肉餃到黑松露芝士豬肉餃都有😝一於就買兩盒返去試試！走之前店員提醒我哋香茜豬肉餃係要用蒸嘅，黑松露芝士豬肉餃就一定要煎！第二日早餐一於試吓～香茜豬肉餃蒸幾分鐘已經食得，豬肉餃味道濃郁，肉質爆滿～！配上香茜味道，非常夾！鍾意食芫茜唔好錯過！另外個黑松露芝士豬肉餃，煎起上嚟真係香口好多！經過煎香之後更加突出香味，食入去係濃郁嘅黑松露味道，好好食！❤️❤️下次再試吓買其他生餃試吓先～！