駟馬拖車潮州飯店 (MOSTown新港城中心(4期)) (已結業)

之前有飲過茶覺得唔錯，今晚和家人平日去試吓食晚飯，如果唔正宗就唔好叫自己做潮州飯店，非常失望，而且收銀阿姐態度差和溝通有問題，令到客人覺得好似自己有問題，好坦白講我和家人以後都唔會光顧😤😤😤😡😡😡👎🏻👎🏻👎🏻。 叫了幾個餸，其中一個方魚炒芥蘭，原來芥蘭先烚到好淋然後再炒一炒先上枱，一食就知完全冇鑊氣😖。蠔仔烙，睇餐牌張相係煎嘅，點知出嚟係炸嘅，下單時又唔同客人講，炸到好厚粉，蠔仔冇味道，十分難食😩。最後結帳時收銀阿姐話公司有優惠買$500送$100，但我張單啱啱$500又唔俾我即時買$500優惠券，要我買$1000先用得。但以我所知同集團嘅茶餐廳就算食$100都可以買$500送$100，茶餐廳收銀阿姐仲話可以即時使用。點解我食$500晚飯唔可以用，食$100茶餐可以用呢!!! 所以我真係要係呢度同大家分享下今次晚飯經歷，無論食物質素和服務整體都好差，駟馬拖車-馬鞍山分店分明要人買多啲優惠卷谷大條數，其實優惠券可以在所有集團旗下餐廳都用得，冇可能使用條款不一致。