捌哥.捌哥特色馬拉茶啡廳

營業中

休息中

見到前面有個食評投訴”態度”， 著實有些擔心，但總要去第一次，否則也不會死心，誰叫我是肉骨茶的“fan屎”呢。 既然去時不抱希望，反倒有驚喜，就餐半個小時，特登有留意員工‘態度’😀，至少聽到兩次‘多謝’，五六次‘唔該’，標題我寫”非常好的態度”其實夸張了，但至少幾客氣禮貌，反而隔離街那家唔會這麼主動和客氣（可能生意好吧）期間起身示意添加肉骨茶， 茶壺亦都好快到。 食物方面，我只點了肉骨茶(細）和鮮牛油咖央多。（有大份肉骨茶可選，但一個人根本吃唔完，細份我剛剛好夠太好了）。鮮牛油咖央多要贊下， 是原件的一片牛油，而不是抹上去的， 这样口味上多了層次感，好食！。 不足的地方： 裝飾掛畫等是這類餐廳的一慣特點，但枱枱凳凳間隔和一般茶餐廳冇異好普通。肉骨茶我希望可以溫度再熱啲。 價錢呢？比隔離街稍貴，但可以用八達通哦， 隔離街那家仍然只可以用現金，今時今日感覺有啲怪。香港多咗好多肉骨茶店，有競爭是好事，有改進動力啊。