春陽茶事 (樂道)

營業中

休息中

尖沙咀都開咗好多台式飲品店，今日經過呢間茶飲店，佢個燈牌已經吸引咗我去望，再睇一睇餐牌，都幾多特別款式嘅台式飲品，我同幾個朋友就每樣叫咗唔同款式試吓。檸檬蜜烏龍檸檬味同蜜糖味都勁特出，酸酸甜甜，好開胃，而烏龍茶嘅茶式都好香濃，飲得出個茶味。翡翠檸檬愛玉d愛玉嘟嘟，似啫喱，飲落好香檸檬味，我地冇叫少甜，但個味道啱啱好。黑糖珍珠奶茶係用全鮮奶，所以奶味好香好滑，而d黑糖珍珠都好煙韌，係因為用黑糖煮，所以黑糖味勁濃，mix埋d鮮奶，勁正。