影片
更多
2023-03-30
433 瀏覽
元朗真係美食天堂，食過好多間餐廳都非常之唔錯。今次食咗一間都幾出名嘅酒樓，啲嘢食好味又唔會好貴，環境又舒服，住附近嘅人不妨一試。佢午市有點心、小炒、連海鮮都可以叫，仲有點心放題，難得去酒樓食梗係乜都試啲啦。小食叫咗咕嚕肉同埋鮑汁鳳爪，兩碟加埋先80幾蚊，份量唔少，非常抵食。另外要推介佢嘅精品黑豚叉燒王，佢嘅肥肉雖然偏多，但係食起身真係好好味，燒得好香好入味👍🏻怕肥嘅我都忍唔住食咗四嚿。我哋仲叫咗餐牌入面嘅一個餸，蜂蜜柚子脆蝦球，呢個都整得好好味，蝦球大大粒好彈牙，出邊炸過之後加上柚子汁，好夾。而點心叫咗以下幾款: 鮑魚燒賣、蝦餃皇、金錢肚、鬆化蛋散、焦糖鮮奶燉蛋。當中最好味嘅鹹點係燒賣，入面嘅蝦夠彈牙又夠味。而甜品就一定係鮮奶燉蛋，唔俾食過嘅法國餐廳差，非常好味😋
佢午市有點心、小炒、連海鮮都可以叫，仲有點心放題，難得去酒樓食梗係乜都試啲啦。
小食叫咗咕嚕肉同埋鮑汁鳳爪，兩碟加埋先80幾蚊，份量唔少，非常抵食。
另外要推介佢嘅精品黑豚叉燒王，佢嘅肥肉雖然偏多，但係食起身真係好好味，燒得好香好入味👍🏻怕肥嘅我都忍唔住食咗四嚿。
我哋仲叫咗餐牌入面嘅一個餸，蜂蜜柚子脆蝦球，呢個都整得好好味，蝦球大大粒好彈牙，出邊炸過之後加上柚子汁，好夾。
而點心叫咗以下幾款: 鮑魚燒賣、蝦餃皇、金錢肚、鬆化蛋散、焦糖鮮奶燉蛋。當中最好味嘅鹹點係燒賣，入面嘅蝦夠彈牙又夠味。而甜品就一定係鮮奶燉蛋，唔俾食過嘅法國餐廳差，非常好味😋
張貼
