豊勝手丼 (已結業)

2年前係銅鑼灣食過<豊勝手丼>，覺得佢既丼飯好足料同新鮮。今日再黎銅鑼灣，決定帶朋友一齊食估唔到短短一兩年，原來餐廳搬左位置，好彩網上搵得返最新地址-銅鑼灣登龍街。雖然位置搬了，但不論係餐廳環境，食物質素同人情味仍舊不變。今次，我想試試餐廳新菜式-九鼎丼，而朋友就叫左廚師發辦丼。食丼飯前，我地叫左一份薄燒牛肉沙律作前菜。有趣既地方係牛肉可以要求幾成熟！沙律既份量比想像中多，特別係牛肉，並唔係得幾塊薄牛肉咁求其。味道方面，由於我地叫五成熟，所以食落一點也不韌，口感彈牙，而牛肉雖然望落紅紅地，但一點也不生，而且吃唔到有筋，非常好！至於重頭戲-九鼎丼，外觀非常吸睛！木盤上放左9個小杯，而每個杯內都放有唔同既刺身丼飯，聽講杯上既刺身款式會不時轉換，非常特別呢！朋友一見到我放上網既九鼎丼相片，都紛紛話想試！唔好以為個杯咁細，份量會好少，但上面既刺身丼飯放到非常滿，所以我吃左5杯就開始有飽肚感。味道方面，刺身非常新鮮，尤其海膽，食落味道特別鮮甜。由於九鼎丼係限量的，所以有得叫就記得叫啊！另外廚師發辦丼亦非常豐富，一上菜就已經望到大大隻鮑魚，仲有我最愛既拖羅！刺身係厚切的，食落特別感