徐記廚房點心 (已結業)

去花墟買嘢，行到街尾見到有一間好似幾大間嘅新式點心店，見啲點心價錢差唔多就試吓。 入到裏面見得幾張枱有客，不過諗住也是快食，所以也OK吧！ 一坐低就已經放上一壺茶，但係茶唔熱又冇茶味，以為唔使茶錢所以係咁，點知原來是要收茶錢的。 不過奇怪在見到另一張遲入嚟客，佢又有問人飲咩茶，真奇怪。 用點心牌mark完點心後，唔使1分鐘，就上咗個蒸飯，但係啲飯係唔熱。 另外店裏面冷氣十分唔夠，基本上只得少少涼風感覺。鳳爪排骨飯細盅唔熱，只係暖，排骨夠大粒，不過冇嘜味糯米雞都係唔熱，只係暖，裏面啲飯太濕，叉燒好重雪味蝦餃味道係最正常嗰款，夠熱餡都多牛肉腸粉粉皮算滑，但餡料少，不過裏邊加咗馬蹄口感都幾特別山竹牛肉味道不過不失總括嚟講依幾款點心味道一般，但除咗蝦餃同山竹牛肉熱之外，其他也只是暖。 旺角太子咁多選擇，應該都冇下次。