仨

營業中

休息中

今天試了位於深水埗同長沙灣之間嘅一間迷你coffee shop，咖啡固然唔錯，不過佢嘅西餐竟然煮得咁出色，真係好難得，因為通常呢啲咁細間嘅coffee shop主要都會將集中力放喺咖啡上面，尤其是係一啲唔同品種嘅咖啡豆沖出嚟嘅單品咖啡，咁喺食飯時間幫襯都要醫吓肚嘅，所以我都只係叫咗一個普普通通嘅蜆肉意粉，估唔到個質素咁高。佢呢度嘅蜆肉意粉係用扁意粉，蜆肉比較大粒，而且食落去就知道個質素比較高，溫泉蛋做得唔錯，淨係佢個汁會幫你打到起泡就知道廚師非常之有誠意，值得一讚係佢都用咗好多herbs而唔係隨意落啲現成調味粉同醬汁，睇得出廚師好有堅持。