NINETYs (形點 I) (已結業)

呢日來到元朗，朝聖一間ig朋友推介的cafe，openrice的介紹係西餐和素食。好似較啱時間咁，來到咁啱仲有2個位畀到我哋，如果唔係就要排隊等啦。比較modern又唔會嘥食物嘅叫法應該就係嗌brunch board喇。就咁睇有3種價錢，佢哋係128，158，188三個價錢，可以揀4，5，6 sides。叫咗一個158蚊嘅rice with 5 sides，第一輪點嘅係sakura shrimp，(本來諗住叫第二輪)，但由於比想像中大碗，因此之後waiter問需唔需要加飯已經唔使喇，greek yogurt 亦係好creamy，再加啲nuts超好味；加20蚊升級嘅士多啤梨牛油果沙律都唔輸蝕。朋友個餐亦係5 sides嘅選擇，呢個冇咁素，因叫咗份叉燒，味道，調味都好吸引。两個餐共同食物就黑松露炒蛋，燒茄子及花菜。黑松露獨特的香味真係唔錯，蛋炒到好滑，两樣嘢係絕配同時亦好大兜，但我哋都好快食晒。咖啡就跟店員的推介叫咗choco blend 的flat white ，附送一小碟藍莓乾，先食藍莓再飲咖啡，正。而凍嘅Americano，朋友都鍾意。