ROYAL INN

打卡餐廳黎講呢間都好正，走西式宮廷風設計周圍都好多花花又有大吊燈，近窗既位置係好靚好舒服，適合慶祝活動!我地點左set for 2 既火焰牛扒套餐，會包Caesar salad ，餐湯，意粉，主食同飲品8安士牛扒，店員會為我地表演，將火點落沾上酒既牛扒，除左有好豔麗既火之外，D酒香入晒牛入後面，食落就係好香又軟既牛肉。加埋牛油既香氣，非常夾。而且塊牛都超級厚好有質感，非常唔錯! 意大利煙豬面頰肉卡邦尼意粉，咸香咸香係完全融入係意粉度，食落好香蛋黃醬味又好creamy，好rich 既口感。Carrot soup 都係好thick & creamy 既存在，Caesar salad 就好fresh，係餐廳慢慢嘆個靚晚餐真係好chill。