東羅 泰館 (已結業)

今日約咗朋友響觀塘食飯，去咗裕民坊，入面都幾多餐廳，最後揀咗喺平台花園呢間餐廳食泰國菜。餐廳裝修環境都唔錯，仲有室外位置，可以chill住食。泰式豬頸肉芒果沙律$88青芒果沙律微酸，加上泰式沙律醬汁，爽口又醒位，豬頸肉都幾多。烤魷魚鬚$48再嚟一個小食，烤魷魚鬚性價比都幾高，大大條魷魚鬚爽口彈牙而且份量又多，烤得好香，再加埋炸蒜，好香口。泰南紅咖喱慢煮牛肋條$148呢個要趁熱食，如果唔係咖喱會凝成一團。紅咖喱質地濃稠，d辣慢慢滲出來，好香，牛肋條切成細細一件件，容易入口，口感軟腍，加埋其他香菌，好惹味。薑黃菠蘿炒飯配豬肉串燒$118賣相吸睛，打卡一流。鮮食上面嘅串燒，啖啖肉，肥瘦適中嘅豬肉帶點豬油香，醃製香料用少少香茅，充滿東南亞風情。個炒飯餡料豐富，有泰式臘腸，提子乾，肉鬆，腰果，香甜菠蘿。炒飯充滿黃薑香味，炒得好香，又唔會太乾，加上少少菠蘿汁，香甜好好味。椰子沙沙芒果雪條凍$48最後叫埋甜品，呢個甜品賣相有驚喜，原來係咁大杯，椰子沙冰上邊插咗支芒果雪糕條，加上爆珠，芒果肉同埋食用花，好靚。椰子沙冰好清爽，芒果雪糕溶在其中，連埋芒果肉一齊食，好香甜。