彩龍茶樓

營業中

休息中

咁岩撞正放假就約埋班朋友一早去飲茶 之後再去行下街呢個彩龍茶樓都好特別,係自助茶樓黎嫁, 有D早餐就食buffet咁,好搞笑。因為係自助既關係,所以所有茶都係你自己沖既,比較親力親為既一餐,不過就要小心D,唔夠力就好易比滾水淥到,所以千萬要小心,而所有野食都係自己拎既,成班怪獸實拎得多。至於飲茶個環境真係好清新,一早起身唔會覺得累,仲令人好relax既感覺,心情靚到爆登。我就食左佢個春卷,味道唔差,不過好脆口,好岩key,如果唔係朝早食我實食多D, 入面d肉夠哂咸又唔會好死既感覺,仲有少少蝦米粒,唔會同一個質感,係正既。至於咖哩魷魚就真係正到你唔信,唔係咖哩味咁簡單,唔似普通咖哩粉開出黎既味道,睇得出係有心落個心思去整個汁,D魷魚都幾大塊,食落唔太方便,不過就真係抵食。 其他野食都有正常發揮。係遠左少少, 如果佢開係市區應該都幾受歡迎, 因為個環境真係超班,就算加埋正常水準既野食都變得特別好食。