火滾肥牛海鮮火鍋專門店

營業中

休息中

復活節假期的週末來到呢間新開位於長沙灣的火鍋店由於只有2個人食, 不能柯打太多東西一般火鍋店都有的混醬見有原隻生蠔叫, 和友人一人叫了一隻來試, 生蠔不知是什麼品種, 店員只比我選擇細隻23蚊同大隻33蚊, 我地揀左細隻生蠔來了, 細隻的都好大隻, 但講真就不是太出眾, 只是肉厚, 所以就算嗜生蠔如我都只輕嚐一隻就足夠了。火鍋湯底揀了豬骨煲, 呢間火鍋店標榜養生保湯靚湯底不含味精, 佢上湯底時會先上半煲, 建議你先飲幾啖湯, 之後再幫你加清湯開始打邊爐。湯底來時試了幾口, 果然不錯。火配配料選了安格斯牛肉, 日本黑豚肉, 貴妃蚌拼白鱔片 (因我們只有2人, 問員店同類的可以作雙拼), 冬瓜片拼金菇, 仲有個三色餃 (栗米豬肉餃, 鮮蝦水餃同埋雲吞), 仲叫左碟皇帝菜。安格斯牛肉同日本黑豚肉都很不錯, 另外推介個栗米豬肉餃, 好好味。整體相當不錯, 會再來。