Sky726

餐廳位於25樓，有落地大玻璃，可以俯瞰到成個油尖旺。凍海鮮拼盤佢呢個拼盤海鮮種類非常豐富，有唔同嘅貝殼類、蝦、甚至係成條龍蝦肉，啖啖肉而且非常新鮮。配埋佢哋嘅Cocktail醬或者泰式醬，簡直好似食緊自助餐咁炸蟹肉餅本身對依度菜唔算好大期望，諗住只不過係一個小食，點知一切開個蟹肉餅，入邊全部都係蟹肉，仲要面頭炸皮非常脆燒美國安格斯熟成西冷扒呢間餐廳主打係熟食成牛扒，我哋叫咗五成熟，好多時餐廳都會過熟，但係佢完全冇呢個問題。牛扒非常厚身，但係唔會好韌好硬，咬落去牛味超重。比目魚扒配檸檬牛油蒜蓉醬另外一度主菜我哋就叫咗比目魚扒，配埋佢哋嘅雜菜，層次好豐富。而且佢哋嘅醬汁最好係唔會太濃味，仲可以食到魚肉嘅鮮味。龍蝦濃湯濃湯係用茶壺嘅形式上菜，侍應一到啲湯出嚟已經見到非常濃郁，飲落去口感超Creamy，完全真材實料。芒果雪葩配芒果拿破崙因為同屋企人慶祝生日，所以同餐廳講可以寫碟。而佢嘅拿破崙好有驚喜，餅皮好鬆脆，配埋佢唔算好甜嘅cream，再加好甜嘅芒果，好耐都冇食過咁好食嘅甜品。🤍🤏🏼Fruit PunchMermaid Tears