影片
更多
2023-06-18
126 瀏覽
提早book咗窗口位飽覽維多利亞夜景！法式XO醬蒜茸牛角包牛角包多數塗牛油，呢個配咗XO醬好刺激，惹味又好味，同芝士脆片一齊食，就好似食緊蒜蓉包咁香脆。時令白露筍清酒伴蟶子同平時食開嘅露筍唔同，除咗色澤呈象牙白，食落質感幼嫰清脆無纖維，味道細緻清甜，配搭爽脆嘅蟶子同香醇嘅清酒，有一種好高貴嘅感覺。金沙日本南瓜做到外面酥脆入面軟熟，南瓜嘅甘甜同蛋黃嘅鹹香十分配搭松茸螺頭燉海參值得一讚係會有個爐一路warm住，保持温暖。呢個湯好滋補，有充滿膠質的海參、爽口的螺肉，飲完好滋潤，而且有養顏的功效！香酥花膠伴香檳魚子醬唔好睇，佢係一嚿平平無奇嘅魚柳。食下落去，有一嚿大大嘅花膠，點上香檳醬，少少酒味，中西合璧，好過癮。麒麟星斑球好似漢堡包咁，一層火腿一層星斑一層菇，一齊食同逐樣食，會有唔同嘅風味😛24K黃金焗蟹蓋絕對係全晚嘅焦點所在！蟹蓋上有金泊同金粉點綴，貴氣非凡。將脹卜卜嘅蟹蓋打開，入面釀滿啖啖鮮甜嘅蟹肉，十分足料，配搭黑醋更添滋味。雲腿上湯浸菜遠菜心只留最嫩嘅部份，完全唔會有渣，上面有幾片金華火腿調下味，個湯我都飲晒。砂鍋豬肉渣香蔥飯熱辣辣嘅砂鍋上枱後，會現場倒入豬油渣同淋上豉油，瞬間飯香撲
提早book咗窗口位飽覽維多利亞夜景！
法式XO醬蒜茸牛角包
牛角包多數塗牛油，呢個配咗XO醬好刺激，惹味又好味，同芝士脆片一齊食，就好似食緊蒜蓉包咁香脆。
時令白露筍清酒伴蟶子
同平時食開嘅露筍唔同，除咗色澤呈象牙白，食落質感幼嫰清脆無纖維，味道細緻清甜，配搭爽脆嘅蟶子同香醇嘅清酒，有一種好高貴嘅感覺。
金沙日本南瓜
做到外面酥脆入面軟熟，南瓜嘅甘甜同蛋黃嘅鹹香十分配搭
松茸螺頭燉海參
值得一讚係會有個爐一路warm住，保持温暖。呢個湯好滋補，有充滿膠質的海參、爽口的螺肉，飲完好滋潤，而且有養顏的功效！
香酥花膠伴香檳魚子醬
唔好睇，佢係一嚿平平無奇嘅魚柳。食下落去，有一嚿大大嘅花膠，點上香檳醬，少少酒味，中西合璧，好過癮。
麒麟星斑球
好似漢堡包咁，一層火腿一層星斑一層菇，一齊食同逐樣食，會有唔同嘅風味😛
24K黃金焗蟹蓋
絕對係全晚嘅焦點所在！蟹蓋上有金泊同金粉點綴，貴氣非凡。將脹卜卜嘅蟹蓋打開，入面釀滿啖啖鮮甜嘅蟹肉，十分足料，配搭黑醋更添滋味。
雲腿上湯浸菜遠
菜心只留最嫩嘅部份，完全唔會有渣，上面有幾片金華火腿調下味，個湯我都飲晒。
砂鍋豬肉渣香蔥飯
熱辣辣嘅砂鍋上枱後，會現場倒入豬油渣同淋上豉油，瞬間飯香撲鼻，食落香口惹味。
松露巧克力鐵觀音奶凍
造型係一盤盆栽，奶凍有朱古力同茶味，清香又清甜，仲有粒入口即溶嘅朱古力，賣相、味道都深得我喜歡。
張貼
