Bistro Hoi An

營業中

休息中

前幾日去左黃金海岸staycation, check out之後就喺openrice搵附近有咩食，見到呢間啲menu幾吸引就入去試試佢😋-首先個餐廳環境好舒服～可以揀坐出面/室內位置，啲座位都好闊落👍🏻-我地兩個人叫左軟殼蟹炒粉絲、大蝦牛油果米紙卷、蒜蓉牛油雞翼、同埋一碗牛肉湯檬👍🏻每樣野食份量都算幾大份，如果細食嘅朋友仔應該一人一個主菜就夠哂啦🤣我地兩個人食完之後，飽到去夜晚6、7點🤣-1. 軟殼蟹炒粉絲大大舊軟殼蟹🦀食得出都有膏嘅😋炒粉絲略嫌咸左少少🤏🏻同個軟殼蟹一齊食可以中和返個咸味嘅2. 大蝦牛油果米紙卷睇個賣相，見到每個卷入面都有2-3隻蝦，但食落就唔係好食到蝦同埋牛油果陣味🤔overall係幾清爽嘅一道菜3. 蒜蓉牛油雞翼個炸雞翼炸得好脆口，又大大隻又juicy😋不過雞翼本身冇乜味，一定要食埋上面啲蒜蓉碎先有啲味🤔4. 牛肉湯檬唔知係咪我理解錯🤣但個麵似係米線多啲😂個湯頭太咸了🫢但個麵本身唔會太咸。啲牛肉同肥豬肉都幾大舊同稔身-總結：啲食物一係偏咸，一係冇乜味🫢不過我相信調整一下個咸度，啲食物會更出色！